सरकारले सम्बन्धित मन्त्रालयलाई रकमान्तरको अधिकार दिने व्यवस्था गरे यतामात्र पूर्वाधार विकास मन्त्रालयले १३ अर्ब रकम रकमान्तर गरेको छ । यस अघि रकमान्तरका लागि अर्थ मन्त्रालय धाउनुपर्ने वाध्यता हटाउँदै सरकारले रकमान्तरको अधिकारलाई सम्बन्धित मन्त्रालयलाई दिएको हो ।

बिज्ञापन

अर्थमा सानातिना फाइलहरू भ्रमण भत्तादेखि तालिममा रकमान्तर गर्न अर्थमा आउनुपर्ने बाध्यता रहेकोमा अर्थले सो अधिकार सम्बन्धित मन्त्रालयलाई दिएको हो । मन्त्रालयगत नै बजेट रकमान्तरण गर्ने व्यवस्था लागू गरे यताको दुई महिनामा पूर्वाधार विकास मन्त्रालयले १३ अर्ब बढी रकम रकमान्तर गरेको छ । विगतका वर्षहरूमा कुनै मन्त्रालयले आफ्नै मातहतका आयोजनाहरूबीच बजेट सार्नुपर्दा समेत अर्थ मन्त्रालयको स्वीकृति अनिवार्य रहेकोमा गत वैशाख ७ मा राजपत्रमै सूचना प्रकाशन गरेर आर्थिक कार्यविधि तथा वित्तीय उत्तरदायित्व (तेस्रो संशोधन) गरेको हो । सो नियमावली संशोधन भए यता मात्र पूर्वाधार विकास मन्त्रालयले १३ अर्ब बढी रकम रकमान्तर गरेको हो ।